Faol modda: Althea dorivor ildizlari ekstrakti (althea ildizlari quruq ekstrakti) (qayta hisobda glyukoza bo‘yicha tiklovchi monosaxaridlar yig‘indisi miqdori – 1, %) - 25 g; yordamchi moddalari: natriy benzoat, saxaroza (shakar), tozalangan suv.

Yo‘tal bilan kechuvchi, balg‘am ajralishi qiyin bo‘lgan nafas yo‘llari kasalliklari (traxeit, traxeobronxit, bronxit).

Preparat tarkibiy qismlariga yuqori individual sezuvchanlik, tug'ma fruktozani o'zlashtira olmaslik, glyukoza-galaktoza malabsorbsiyasi, saxaraza/izomaltaza yetishmovchiligi.

Og‘iz orqali, 12 yoshgacha bo‘lgan bolalarga – 1 choy qoshiq sirop, oldindan 1⁄4 stakan iliq suvda eritilgan holda, ovqatdan keyin kuniga 4–5 marta; 12 yoshdan katta bolalar va kattalarga – 1 osh qoshiq sirop, oldindan 1⁄2 stakan suvda eritilgan holda, ovqatdan keyin kuniga 4–5 marta. Davolash kursi 10–15 kun. Davolash davomiyligini oshirish va takroriy kurslarni o‘tkazish shifokor bilan kelishilgan holda mumkin.

Allergik reaksiyalar bo‘lishi mumkin. Agar yo‘riqnomada ko‘rsatilgan nojo‘ya ta’sirlar kuchaysa yoki Siz yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Reflektor balg'am ko'chiruvchi, shuningdek, mahalliy yallig'lanishga qarshi ta'sir ko'rsatadi.