Bitta tabletkada
faol modda memantin gidroxlorid 10 mg
yordamchi moddalari: mikrokristallik tsellyuloza, natriy kroskarmelloza, kolloid suvdan holi kremniy dioksidi, talk, magniy stearat
plyonka qobig‘i Sepifilm plyonka IR 777 (Kollicoat IR (polivinilspirtli, polietilenglikolli graft – polimerlar), polidekstroza, og‘ir kaolin, makrogol 400, titan dioksidi (E171)).

Alcheba raqobatsiz antagonisti bo‘lib, N-metil-D-aspartat (NMDA)-retseptorlariga ta’sir qiladi, glutamatergik tizimga modulyator ta’sir ko‘rsatadi. Markaziy va periferik asab tizimidagi degenerativ jarayonlarga patogenetik ta’sir ko‘rsatadi. Ion transportini tartibga soladi – kalsiy kanallarini bloklaydi. Neyroprotektiv ta’sir ko‘rsatadi. Membrana potensialini normallashtiradi. Nerv impulsi uzatilishini yaxshilaydi. Kognitiv jarayonlar, xotira va o‘rganish qobiliyatini yaxshilaydi, kundalik faollikni oshiradi.

Alcheba ehtiyotkorlik bilan epilepsiya, tutqanoq xurujlari anamnezida bo‘lgan va epilepsiyaga moyillik omillari mavjud bo‘lgan bemorlarda qo‘llanilishi tavsiya etiladi.
Siydik pH darajasining oshishiga olib keluvchi ayrim omillar bemorlarni diqqat bilan kuzatishni talab qiladi (vegetarian dietaga o‘tish, yuqori dozalarda buferli antatsidlarni qabul qilish). Siydik pH darajasining oshishi buyrak kanallari atsidozi yoki Proteus bakteriyalari chaqirgan og‘ir siydik yo‘llari infeksiyalarida ham mumkin.
Transport vositalarini yoki potensial xavfli mexanizmlarni boshqarish qobiliyatiga ta’sir qilish xususiyatlari
Altsgeymer kasalligining o‘rta og‘ir va og‘ir kechishiga ega bemorlarga transport vositalari va mexanizmlarni boshqarish tavsiya etilmaydi. Dori vositasi bemorning diqqatini jamlashiga biroz salbiy ta’sir ko‘rsatishi mumkin, shunga qaramay, bemorlar mumkin bo‘lgan nojo‘ya ta’sirlar haqida ogohlantirilishi lozim.

 

Memantinning farmakologik effektlari va ta'sir mexanizmi bilan bog'liq ravishda quyidagi o'zaro ta'sirlar mumkin

Ta'sir mexanizmi shuni ko'rsatadiki, levodopa, dofaminergik agonistlar va antixolinergik preparatlarning effektlari NMDA-antagonistlari, jumladan Memantin bilan birga qo'llanganda kuchayishi mumkin. Barbituratlar va neyroleptiklarning samaradorligi kamayishi mumkin. Memantinni antispastik vositalar, dantrolen va baklofen bilan birga buyurish ularning effektlarini o'zgartirishi va doza tuzatishni talab qilishi mumkin.

Memantin va amantadin birga qo'llanilishini farmakotoksik psixoz rivojlanish xavfi tufayli oldini olish kerak. Ikkala preparat ham kimyoviy tuzilishi bo'yicha NMDA-antagonistlardir. Bu ketamin va dekstrometorfanga ham taalluqlidir.

Memantin va fenitoin kombinatsiyasida mumkin bo'lgan xavf rivojlanishi bo'yicha bir klinik holat tavsifi chop etilgan.

Cimetidin, ranitidin, novokainamid, xinin, xinin va nikotin kabi boshqa faol moddalar, amantadin bilan bir xil buyrak kation transport tizimidan foydalanganligi sababli, Memantin bilan o'zaro ta'sirga kirishi va preparatning plazmadagi konsentratsiyasining oshish xavfini keltirib chiqarishi mumkin.

Memantin GXT yoki GXT saqlovchi kombinatsiyalangan preparatlar bilan birga buyurilganda gidroxlorotiazid (GXT) ning zardobdagi darajasi kamayishi mumkin.

Varfarin bilan davolanayotgan bemorlarda xalqaro normallashtirilgan nisbat (XNN) oshishi bo'yicha alohida xabarlar mavjud. Garchi sababiy bog'liqlik aniqlanmagan bo'lsa-da, og'iz orqali antikoagulyantlar qabul qilayotgan bemorlarda protrombin vaqti va XNN ni nazorat qilish tavsiya etiladi. 

 

Sintomlari nojo'ya ta'sirlarning kuchayishi.

Davolash me'dani yuvish, faollashtirilgan ko'mir qabul qilish, simptomatik terapiya.