bitta tabletkada quyidagilar mavjud:

Faol modda: albendazol – 400,0 mg;

Yordamchi moddalar: makkajo'xori kraxmali, jelatin, natriy laurilsulfat, natriy kraxmal glikolat, krosprovidon, mikrokristallik tsellyuloza 101, natriy saxarinat, kroskarmeloza natriy, magniy stearat, qobiq qoplamasi Instacoat Aqua.

Ichak infeksiyalari va larval (lichinka) gel'mintoz (shu jumladan, aralash gel'mint invaziyalari):

- Nematodozlar: askaridoz, enterobioz, trixocefalez, ankilostomoz, nekatorez, strongiloidoz.

- Trematodozlar: opistorxoz va klonorxoz.

- 3-12 yoshli bolalarda lyamblioz.

- Sestodozlar: tenioz (Taenia solium, Taenia saginata), gimenolipedoz.

Tizimli gel'mintozlar:

- Ekinokokkoz: albendazol jigar, o'pka va qorin parda kistalarini davolashda eng yuqori samaradorlikni ko'rsatadi. Suyaklar, yurak va markaziy asab tizimi kistalarida qo'llash tajribasi cheklangan.

- Kistoz ekinokokkoz (Echinococcus granulosus sababli), albendazol quyidagi holatlarda kistoz ekinokokkozli bemorlarni davolash uchun qo'llaniladi:

- Al'veolyar ekinokokkoz (Echinococcus multilocularis sababli). Albendazol quyidagi holatlarda bemorlarni davolash uchun qo'llaniladi:

- Neyrotsistiserkoz. Albendazol quyidagi holatlarda bemorlarni davolash uchun qo'llaniladi:

Albendazol quyidagilarda buyurilmaydi:

- 3 yoshgacha bo‘lgan bolalarda gelmintozlarda;

- albendazolga yuqori sezuvchanlikda;

- homiladorlikda;

- laktatsiya davrida.

Extiyotkorlik bilan: sistitserkoz fonida to‘r pardasi patologiyalarida, jigar sirrozi, jigar yetishmovchiligi, suyak iligi gemopoezining susayishi bo‘lgan 3 yoshdan 6 yoshgacha bo‘lgan bolalarda.

Albendazol ichga, ovqatdan keyin buyuriladi. Tabletkalar suv bilan ichiladi. Jadvalda patologiyaga qarab dozalari keltirilgan. Albendazol qabul qilgandan so‘ng ich suruvchi vositalarni qabul qilish shart emas.

Preparat antigel'mint faoliyatini namoyon qiladi. Albendazol β-tubulinning polimerizatsiyasiga ta'sir qiladi, uni to'xtatadi. Natijada gel'mintlarning ichagida mikrotubulalarning hosil bo'lishi buziladi, chuvalchanglarning glyukozani o'zlashtirish qobiliyati susayadi, organellalarning normal hujayra ichidagi migratsiyasi bloklanadi, ularning mushak to'qimasida ATF sintezi to'xtatiladi. Albendazolning terapevtik konsentratsiyasi yaratilishi gel'mintlarning o'lishiga olib keladi.

Preparat voyaga yetgan va lichinka shakllariga nisbatan faol. Albendazol nematodlar (Necator americanus, Strongyloides stercoralis, Enterobius vermicularis, Trichuris trichiura, Ascaris lumbricoides, Cutaneous Larva Migrans, Ancylostoma duodenale), sestodlar (cho'chqa, sigir va mitti tasmasimon chuvalchanglar), trematodlar (Clonorchis sinensis, Opisthorchis viverrini), protozoalar (lyambliyalar)ni o'ldiradi.

Dori vositasini uzoq muddat qabul qilganda jigar fermentlari faolligining kuchsiz yoki o'rtacha oshishi mumkin, bu dori qabul qilish to'xtatilgandan so'ng normallashadi. Jigar funksiyasi ko'rsatkichlarini aniqlash har bir davolash sikli boshlanishidan oldin va davolash davomida har 2 haftada o'tkazilishi kerak. Agar jigar transaminazalari faolligi 2 barobar va undan ko'p oshsa, albendazolni bekor qilish kerak.

Davolash jigar funksiyasi ko'rsatkichlari normaga qaytgandan so'ng takrorlanadi.

Albendazol suyak ko'migi bostirilishini chaqirishi mumkin, shuning uchun bemorning qon tahlillari davolash boshida va 28 kunlik davolash sikli davomida har 2 haftada o'tkazilishi kerak. Jigar kasalligi, shu jumladan jigar ehinokokkozi bo'lgan bemorlar suyak ko'migi bostirilishiga ko'proq moyil bo'lib, natijada pansitopeniya, aplastik anemiya, agranulositoz va leykopeiya yuzaga keladi, bu esa qon ko'rsatkichlarini diqqat bilan nazorat qilish zarurligini belgilaydi. Qon ko'rsatkichlarining sezilarli pasayishi yuzaga kelsa, davolashni to'xtatish kerak.

Albendazol bilan davolash allaqachon mavjud bo'lgan neyrotsistiserkoz mavjudligini aniqlashi mumkin, ayniqsa Taenia solium shtammlari bilan yuqori darajada infeksiyalangan hududlarda. Bemorlar nevrologik simptomlarga, masalan, tutqanoq, bosh ichki bosimining oshishi va yallig'lanish reaksiyasi natijasida miya parazitlarining o'lishi tufayli fokal simptomlarga duch kelishi mumkin. Simptomlar davolashdan darhol keyin paydo bo'lishi mumkin, shuning uchun kortikosteroidlar va tutqanoqqa qarshi dori vositalari bilan mos terapiyani zudlik bilan boshlash kerak.

Sistiserkoz kamdan-kam hollarda ko'z to'r pardasini zararlashi mumkin. Agar bunday shikastlanishlar vizualizatsiya qilinsa, sistiserkoz terapiyasini o'tkazish zarurati albendazol induktsiyalangan to'r parda o'zgarishlari natijasida to'r parda shikastlanishi ehtimoli bilan solishtirilishi kerak.

Birinchi davolash haftasida miya bosimining oshishi holatlarini oldini olish uchun og'iz orqali yoki tomir ichiga kortikosteroidlarni qo'llash tavsiya etiladi.

Dori vositasi bilan davolash klizma, ich suruvchi vositalar yoki maxsus dietani qo'llashni talab qilmaydi.

Tabletkalarda laktoza mavjudligi sababli, ushbu preparat galaktozemiya, glyukoza yoki galaktoza so'rilishi buzilishi yoki laktaza yetishmovchiligi (kam uchraydigan almashinuv buzilishlari)da qo'llash mumkin emas.

Jigar funksiyasi buzilishida qo'llash

Jigar yetishmovchiligi va jigar sirrozida ehtiyotkorlik bilan.

Bubun funksiyasi buzilishida qo'llash

Bubun funksiyasi buzilgan bemorlarda albendazol va uning metabolitlari klirensi o'zgarmaydi.

Homiladorlik va emizish davrida qo'llash

Agar preparatni qo'llash vaqtida homilador ekanligingizni aniqlasangiz, bu haqda darhol shifokoringizga xabar bering, chunki faqat u davolashni davom ettirish zarurligi masalasini hal qilishi mumkin.

Dori vositasi homiladorlik davrida qo'llash mumkin emas. Erta homiladorlik davrida albendazol qabul qilinishining oldini olish uchun, tug'ish yoshidagi ayollar davolashni homiladorlik testi manfiy natija bergandan so'ng boshlashlari kerak; ushbu testni keyingi sikl boshlanishidan oldin kamida bir marta takrorlash kerak. Tizimli infeksiya bo'lsa, davolash davomida va tugagandan keyin bir oy davomida kontratseptsiya choralarini ko'rish kerak.

Insonda albendazol yoki uning metabolitlari ona sutiga ajraladimi, noma'lum. Shuning uchun, emizish davrida albendazolni qo'llash tavsiya etilmaydi, faqat potentsial foyda davolash bilan bog'liq mumkin bo'lgan xavflardan ustun bo'lgan hollardan tashqari.

Pediatriyada qo'llash

3 yoshdan kichik bolalarda (ushbu dori shakli uchun) qo'llash mumkin emas. 3 yoshdan 6 yoshgacha bo'lgan bolalarga preparatni ehtiyotkorlik bilan buyurish kerak.

Avtotransport boshqarish va mexanizmlarni boshqarish qobiliyatiga ta'siri

Bosh aylanishi rivojlanishi mumkinligini hisobga olib, transport vositalarini boshqarishda va harakatdagi mexanik uskunalarni xizmat ko'rsatishda ehtiyotkorlikka rioya qilish kerak.