1 tabletkada:
faol modda: levofloksatsin gemigidrat, levofloksatsinga ekvivalent - 500 mg;
yordamchi modda: mikrokristallik tsellyuloza, makkajo'xori kraxmali, natriy
kroskarmelloza, kolloid suvdan holi kremniy, tozalangan suv, tozalangan talk, quritilgan
makkajo'xori
kraxmali, magniy stearat, natriy kraxmal glikolat, natriy
Instacoat Universal oq (IC-U-3849), izopropil spirti, dixlormetan. 

 Sezgir mikroorganizmlar tomonidan chaqirilgan infeksion-yallig'lanish kasalliklari:
quyi nafas yo'llari (surunkali bronxit, pnevmoniya);
LOR organlari (sinusit, o'rtacha otit);
siydik-jinsiy organlari (shu jumladan o'tkir pielonefrit, prostatit, urogenital xlamidioz);
teri va yumshoq to'qimalar (yiringlagan ateromalar, abscess, furunkullar);
dori vositalariga chidamli tuberkulyoz shakllarini kompleks davolash tarkibida. 

 Siklosporinning yarim chiqarilish davrini oshiradi.
Ichak motorikasini susaytiruvchi dori vositalari, sukralfat, alyuminiy va magniy saqlovchi antatsid dori vositalari va temir tuzlari ta'sirini kamaytiradi (qabul qilish oralig'i kamida 2 soat bo'lishi kerak).
Ibuprofen guruhi nosteroid yallig'lanishga qarshi vositalar (NYQV), teofillin tutqanoq tayyorgarligini oshiradi, glyukokortikosteroidlar (GKS) paylarning uzilishi xavfini oshiradi. Simetidin va kanalikulyar sekretsiyani bloklovchi dori vositalari chiqarilishini sekinlashtiradi.
Levofloksatsin K vitamini antagonistlari bilan birga qo'llanganda qon ivish tizimini nazorat qilish zarur. 

 Levofloksatsinni bolalar va o'smirlarni davolashda qo'llash mumkin emas, chunki bo'g'im xaftagasining shikastlanishi ehtimoli mavjud.
Keksalar yoshidagi bemorlarni davolashda, ushbu guruhdagi bemorlar ko'pincha buyrak funksiyasi buzilishi bilan azoblanishini inobatga olish kerak. Pnevmokokklar sabab bo'lgan juda og'ir zotiljamda Levofloksatsin optimal terapevtik ta'sir ko'rsatmasligi mumkin. Kasalxonada orttirilgan va ayrim qo'zg'atuvchilar (Pseudomonas aeruginosa) sabab bo'lgan infeksiyalar kombinasiyalangan davolashni talab qilishi mumkin.
Levofloksatsin bilan davolash vaqtida, oldindan miya shikastlanishi bo'lgan bemorlarda (masalan, insult yoki og'ir jarohat natijasida) tutqanoq xurujlari rivojlanishi mumkin.
Tutqanoqlik tayyorgarligi fenbufen, unga o'xshash nosteroid yallig'lanishga qarshi vositalar yoki teofillin bilan bir vaqtda qo'llanganda ham oshishi mumkin.
Levofloksatsin qo'llanganda fotosensibilizatsiya (yorug'likka yuqori sezuvchanlik, quyosh kuyishiga o'xshash reaksiyalar) juda kam uchrasa-da, fotosensibilizatsiyani oldini olish uchun bemorlarga zaruratsiz kuchli quyosh yoki sun'iy ultrabinafsha nurlanishiga (masalan, tog'li hududda quyoshda bo'lish yoki solyariyga borish) duchor bo'lish tavsiya etilmaydi.
Psevdomebranli kolitdan shubhalanilganda Levofloksatsin darhol bekor qilinishi va mos davolash boshlanishi kerak. Bunday hollarda ichak motorikasini susaytiruvchi dori vositalarini qo'llash mumkin emas.
Tana harorati normallashgandan so'ng davolashni kamida 48-78 soat davom ettirish tavsiya etiladi.
Davolash vaqtida teri qoplamalarining shikastlanishini (fotosensibilizatsiya) oldini olish uchun quyosh va sun'iy UF-
nurlanishidan saqlanish kerak.
Tendinit, psevdomebranli kolit belgilari paydo bo'lsa, levofloksatsin darhol bekor qilinadi.
Miya shikastlanishi (insult, og'ir jarohat) bo'lgan bemorlarda tutqanoq rivojlanishi mumkinligini, glyukoza-6-fosfatdegidrogenaza yetishmovchiligida esa gemoliz rivojlanish xavfi borligini inobatga olish kerak. 

Homiladorlikda qo'llanilishi
Levofloksatsin homilador va emizikli ayollarga buyurilmaydi. Avtomobil boshqarish yoki mexanizmlar bilan ishlashga ta'siri
Levofloksatsinning bosh aylanishi, uyquchanlik va ko'rish buzilishi kabi nojo'ya ta'sirlari reaksiya tezligi va diqqatni jamlash qobiliyatini yomonlashtirishi mumkin. Bu, ayniqsa, ushbu qobiliyatlar muhim bo'lgan holatlarda (masalan, avtomobil boshqarish, mashina va mexanizmlarga xizmat ko'rsatish, beqaror holatda ishlash) ma'lum xavf tug'diradi. Bu, ayniqsa, Levofloksatsin va spirtli ichimliklar o'zaro ta'sir qilganda dolzarbdir.