Kalsiy karbonat - 1250 mg (elementar kalsiyga ekvivalent - 500 mg) Kolekalsiferol (vitamin D3) - 5,0 mkg (200 ME) kolekalsiferol kontsentrati ko‘rinishida - 2,0 mg Yordamchi komponentlar: Sorbitol - 390 mg Apelsin aromatizatori granulati - 63,0 mg Povidon - 36,4 mg Magniy stearat - 6,00 mg Aspartam - 1,00 mg.

Kalsiy va/yoki vitamin D3 yetishmovchiligini oldini olish va davolash; Osteoporoz va uning asoratlari (suyak sinishlari)ni oldini olish va kompleks davolash.

Giperkaltsiyemiya; Giperkaltsiyuriya; Nefrolitiaz; Gipervitaminoz D; Buyrak yetishmovchiligining og'ir darajasi; Faol shakldagi sil kasalligi; Sarkoidoz; Preparat tarkibiy qismlariga, soya yoki yer yong'og'iga yuqori sezuvchanlik. Preparatning tabletkali shakli 3 yoshgacha bo'lgan bolalarda qo'llanilmaydi. Preparat aspartamni o'z ichiga oladi, u organizmda fenilalaninga aylanadi, shuning uchun preparatni fenilketonuriyada qabul qilish tavsiya etilmaydi. Preparat sorbitol, izomalt va saxarozani o'z ichiga oladi, shuning uchun uni irsiy fruktoza intoleransi, glyukoza-galaktoza malabsorbsiyasi yoki saxaraza-izomaltaza yetishmovchiligi bo'lgan bemorlarga qo'llash tavsiya etilmaydi. Ehtiyotkorlik bilan: homiladorlik, laktatsiya davri, buyrak yetishmovchiligi.

Tabletkalarni chaynash yoki so‘rib qabul qilish va ovqat paytida qabul qilish mumkin. Kalsiy-D3 Nikomed Kattalarga osteoporozning oldini olish uchun - 1 tabletkadan kuniga 2 marta; osteoporozni kompleks davolashda - 1 tabletkadan kuniga 2-3 marta. Kalsiy va vitamin D yetishmovchiligini to‘ldirish uchun kattalar va 12 yoshdan katta bolalarga - 1 tabletkadan kuniga 2 marta, 5 yoshdan 12 yoshgacha bo‘lgan bolalarga - kuniga 1-2 tabletkadan, 3 yoshdan 5 yoshgacha bo‘lgan bolalarga - dozalash shifokor tavsiyasiga muvofiq.

Preparatning nojo‘ya ta’sirlarining uchrashish tezligi quyidagicha baholanadi: juda tez-tez (>1/10); tez-tez (>1/100, < 1/10); kamdan-kam (>1/1000, < 1/100); kam (>1/10 000, < 1/1000); juda kam (< 1/10 000). Modda almashinuvi va ovqatlanish tomonidan: kamdan-kam - giper-kaltsiyemiya, giper-kaltsiyuriya. Ovqat hazm qilish tizimi tomonidan: kam - qabziyat, meteorizm, ko‘ngil aynishi, qorin og‘rig‘i, diareya, dispepsiya. Teri va teri osti yog‘ qavati tomonidan: juda kam - qichishish, toshma, eshakemi.

Kombinatsiyalangan preparat, organizmdagi (suyaklar, tishlar, tirnoqlar, sochlar, mushaklar) kaltsiy va fosfor almashinuvini tartibga soladi. Suyak to'qimasining rezorbsiyasini (so'rilishini) kamaytiradi va zichligini oshiradi, organizmdagi kaltsiy va D3 vitamini yetishmasligini to'ldiradi, tishlarning mineralizatsiyasi uchun zarur. Kaltsiy nerv o'tkazuvchanligi, mushak qisqarishlarini tartibga solishda ishtirok etadi va qon ivish tizimining komponenti hisoblanadi. Kaltsiyni yetarli miqdorda qabul qilish ayniqsa o'sish davrida, homiladorlikda va laktatsiya davrida muhimdir. D3 vitamini ichakda kaltsiyning so'rilishini oshiradi. Kaltsiy va D3 vitaminini qo'llash paratireoid gormoni ishlab chiqarilishini oshishiga to'sqinlik qiladi, bu esa suyak rezorbsiyasining (suyakdan kaltsiyning yuvilib chiqishi) kuchayishiga sababchi bo'luvchi stimulyator hisoblanadi.

Giperkaltsiyemiya yurak glikozidlarining toksik ta'sirini kuchaytirishi mumkin, agar kaltsiy va vitamin D preparatlari bilan bir vaqtda qo'llanilsa. EKG va qonda kaltsiy miqdorini nazorat qilish zarur. Kaltsiy preparatlari tetratsiklinlarning me'da-ichak traktidan so'rilishini kamaytirishi mumkin. Shuning uchun tetratsiklin qatori preparatlarini kamida 2 soat oldin yoki preparatni qabul qilgandan 4-6 soat o'tgach qabul qilish kerak. Bifosfonat preparatlari so'rilishini kamayishini oldini olish uchun ularni Kalsiy-D3Nikomeddan kamida 1 soat oldin qabul qilish tavsiya etiladi. GKS kaltsiy so'rilishini kamaytiradi, shuning uchun GKS bilan davolash Kalsiy-D3Nikomeddan dozani oshirishni talab qilishi mumkin. Tiazid diuretiklari bilan bir vaqtda qo'llanganda giperkaltsiyemiya rivojlanish xavfi ortadi, chunki ular kaltsiyning kanalchalarda reabsorbtsiyasini oshiradi. Tiazid diuretiklari bilan bir vaqtda qo'llanganda qonda kaltsiy miqdorini muntazam nazorat qilish kerak. Kaltsiy levotiroksinning samaradorligini kamaytiradi, uning so'rilishini kamaytiradi. Levotiroksin va Kalsiy-D3Nikomeddan qabul qilish oralig'i kamida 4 soat bo'lishi kerak. Xinolon guruhi antibiotiklarining so'rilishi kaltsiy preparatlari bilan bir vaqtda qo'llanganda kamayadi. Shuning uchun xinolon guruhi antibiotiklarini Kalsiy-D3Nikomeddan 2 soat oldin yoki 6 soat o'tgach qabul qilish kerak. Oksalatlar (shovul, reveň, ismaloq) va fitin (krupalar) saqlovchi oziq-ovqat mahsulotlarini qabul qilish kaltsiy so'rilishini kamaytiradi, shuning uchun shovul, reveň, ismaloq, krupalarni iste'mol qilgandan keyin 2 soat davomida Kalsiy-D3Nikomeddan qabul qilmaslik kerak.

Kalsiy va vitamin D3 homiladorlik davrida organizmdagi ularning yetishmovchiligini to‘ldirish uchun qo‘llaniladi. Homiladorlik davrida preparatning sutkalik dozasi 1500 mg kalsiy va 600 ME vitamin D3 dan oshmasligi kerak. Homiladorlik davrida dozani oshirib yuborish fonida giperkalsemiya rivojlanayotgan homilaga nojo‘ya ta’sir ko‘rsatishi mumkin. Preparat laktatsiya davrida qo‘llaniladi. Kalsiy va vitamin D3 ona suti tarkibiga o‘tishi mumkin, shuning uchun ona va bolada kalsiy va vitamin D ning boshqa manbalardan kelib tushishini hisobga olish zarur. Uzoq muddatli davolashda qonda kalsiy va kreatinin miqdorini nazorat qilish kerak. Kuzatuv ayniqsa yurak glikozidlari va diuretiklar bilan bir vaqtda davolanayotgan keksa yoshdagi bemorlarda va buyrakda tosh hosil bo‘lishiga moyilligi yuqori bo‘lgan bemorlarda muhimdir. Giperkalsemiya yoki buyrak funksiyasi buzilishining belgilarida doza kamaytirilishi yoki davolash to‘xtatilishi kerak. Vitamin D buyrak yetishmovchiligi bo‘lgan bemorlarga ehtiyotkorlik bilan buyurilishi kerak. Bunday hollarda qonda kalsiy va fosfatlar miqdorini nazorat qilish zarur. Shuningdek, yumshoq to‘qimalarda kalsinoz rivojlanish xavfini hisobga olish kerak. Dozani oshirib yuborishni oldini olish uchun vitamin D ning boshqa manbalardan qo‘shimcha qabul qilinishini hisobga olish zarur. Kalsiy va vitamin D3 immobilizatsiyalangan osteoporozli bemorlarda giperkalsemiya rivojlanish xavfi tufayli ehtiyotkorlik bilan qo‘llanilishi kerak. Tetratsiklin yoki xinolon guruhidagi antibiotiklar bilan bir vaqtda qo‘llash odatda tavsiya etilmaydi yoki ehtiyotkorlik bilan amalga oshirilishi kerak. Avtotransport boshqarish va mexanizmlar bilan ishlash qobiliyatiga ta’siri Preparat avtotransport boshqarish yoki texnik jihatdan murakkab mexanizmlar bilan ishlash qobiliyatiga ta’sir qilmaydi.

Belgilar: Giperkalsemiya namoyon bo‘lishi - anoreksiya, chanqoq, poliuriya, mushak zaifligi, ko‘ngil aynishi, qusish, qabziyat, qorin og‘rig‘i, tez charchash, suyaklarda og‘riq, psixik buzilishlar, nefrokalsinoz, buyrak tosh kasalligi va og‘ir hollarda yurak aritmiyalari. Uzoq muddatli ortiqcha dozalarda (2500 mg kalsiydan ortiq) qo‘llanganda buyrak shikastlanishi, yumshoq to‘qimalarda kalsinoz. Dozani oshirib yuborish belgilari aniqlanganda bemor kalsiy va vitamin D, shuningdek, tiazid diuretiklari va yurak glikozidlarini qabul qilishni to‘xtatishi va shifokorga murojaat qilishi kerak. Davolash: Oshqozonni yuvish, suyuqlik yo‘qotilishini to‘ldirish, "halqali" diuretiklar (masalan, furosemid), GKSlari, kalsitonin, bisfosfonatlar qo‘llash. Qon plazmasida elektrolitlar miqdori, buyrak funksiyasi va diurezni nazorat qilish zarur. Og‘ir hollarda markaziy venoz bosimni o‘lchash va EKG nazorati talab qilinadi.