1 tabletkada: Faol moddalari: diosmin - 0,45 g, gesperidin - 0,05 g. Yordamchi moddalari (yadro): jelatin, magniy stearat, mikrokristallik tsellyuloza, kraxmal, natriy glikolyat, talk. Yordamchi moddalari (qobiq): polietilenglikol 6000, magniy stearat, gidroksipropilmetiltsellyuloza, natriy laurilsulfat, titan dioksid, temir oksid qizil, temir oksid sariq.

Pastki oyoqlarning venoz yetishmovchiligi (funksional va organik tabiatli) (oyoqda og'irlik hissi, og'riq, tutqanoq, trofik buzilishlar). O'tkir va surunkali gemorroy.

Preparat tarkibiga kiruvchi faol komponentlar yoki yordamchi moddalarga yuqori sezuvchanlik. Preparatni emizikli ayollarga qabul qilish tavsiya etilmaydi.

Nojo'ya reaksiyalar rivojlanish chastotasi quyidagicha keltirilgan: Juda tez-tez (≥1/10 holat). Tez-tez (≥1/100 va < 1/10 holat). Kamdan-kam (≥1/1000 va < 1/100 holat). Noyob (≥1/10000 va < 1/1000 holat). Juda noyob (< 1/10000 holat). Rivojlanish chastotasini mavjud ma'lumotlar asosida baholash imkoni bo'lmagan nojo'ya reaksiyalar "chastota noma'lum" deb belgilanadi. Markaziy asab tizimi tomonidan: noyob – bosh aylanishi, bosh og'rig'i, umumiy holsizlik; chastota noma'lum – tutqanoq. Ovqat hazm qilish tizimi tomonidan: tez-tez – diareya, dispepsiya, ko'ngil aynishi, qusish; kamdan-kam – kolitlar; chastota noma'lum – qorin og'rig'i. Nafas olish tizimi, ko'krak qafasi va o'rtacha ko'krak oralig'i tomonidan: chastota noma'lum – tomoqda qichishish, ko'krak og'rig'i. Teri qoplamlari tomonidan: noyob – toshma, qichishish, eshakemi; chastota noma'lum – allergik dermatit, giperemiya, yuz, lab, qovoqning izolyatsiyalangan shishi, istisno holatlarda angionevrotik shish. Agar ko'rsatilgan nojo'ya reaksiyalardan birortasi kuchaysa yoki Sizda yo'riqnomada ko'rsatilmagan boshqa nojo'ya reaksiyalar paydo bo'lsa, bu haqda shifokorga xabar bering.

Angioprotektor va venotoniziruvchi ta'sir ko'rsatadi. Venalarning cho'ziluvchanligini kamaytiradi, ularning tonusini oshiradi va venoz tiqilishni kamaytiradi; kapillyarlarning o'tkazuvchanligi, mo'rtligini kamaytiradi va ularning rezistentligini oshiradi; mikrosirkulyatsiya va limfa oqimini yaxshilaydi. Sistematik qo'llanilganda pastki oyoqlarning surunkali venoz yetishmovchiligi klinik namoyonlarining og'irligini kamaytiradi (organik va funksional tabiatli).

Kuzatilmagan. Qabul qilinayotgan barcha dori vositalari haqida davolovchi shifokorga xabar berish lozim.

Homiladorlik Hayvonlarda o'tkazilgan tajribalar teratogen ta'sirlarni aniqlamagan. Hozirgi vaqtgacha homilador ayollar tomonidan preparat qo'llanilganda biron-bir nojo'ya ta'sirlar haqida xabar berilmagan. Emizish davri Preparatning ko'krak suti bilan ajralishi bo'yicha ma'lumotlar yo'qligi sababli, emizikli ayollarga preparatni qabul qilish tavsiya etilmaydi. Gemorroyning zo'rayishi paytida ushbu preparatni buyurish boshqa anal buzilishlarni maxsus davolashni almashtirmaydi. Davolash davomiyligi "Qo'llash usuli va dozalari" bo'limida ko'rsatilgan muddatdan oshmasligi kerak. Agar tavsiya etilgan davolash kursidan so'ng simptomlar yo'qolmasa, proktologik tekshiruv o'tkazish va qo'llanilayotgan terapiyani qayta ko'rib chiqish lozim. Venoz qon aylanishi buzilishlari mavjud bo'lsa, davolashning maksimal samarasi terapiyani sog'lom (muvozanatli) turmush tarzi bilan birga olib borilganda ta'minlanadi: quyoshda uzoq vaqt bo'lishdan, uzoq vaqt oyoqda turishdan saqlanish, shuningdek, ortiqcha tana vaznini kamaytirish tavsiya etiladi. Piyoda yurish va ba'zi hollarda maxsus paypoq kiyish qon aylanishini yaxshilashga yordam beradi. Transport vositalarini va yuqori diqqatni talab qiluvchi boshqa mexanizmlarni boshqarish qobiliyatiga ta'siri Ta'sir qilmaydi.

Dozani oshirib yuborish holatlari tavsiflanmagan. Preparatni dozasi oshirib yuborilganda darhol tibbiy yordamga murojaat qiling.