Pankreatin Forte 8000 №50 Pancreatin-Ternopharm ATC KODI: A09 OVQAT HAZM BO‘LISHIGA YORDAM BERUVCHI VOSITALAR, FERMENT PREPARATLARI QO‘SHILGAN. FERMENT PREPARATLARI Hazm bo‘lish buzilishlarida buyuriladigan ferment preparati. Oshqozon osti bezining fermentlari (lipaza, amilaza, proteaza) yetishmovchiligini to‘ldiradi, ingichka ichakda foydali moddalar to‘liqroq o‘zlashtirilishiga yordam beradi. Hazm bo‘lish buzilishi bilan kechadigan holatlarda oshqozon osti bezining tashqi sekretsiya funksiyasi yetishmovchiligini kompensatsiya qilish uchun qo‘llaniladi. O‘zbekistonda qo‘llash bo‘yicha yo‘riqnomani yuklab olish (rus)O‘zbekistonda qo‘llash bo‘yicha yo‘riqnomani yuklab olish (uzb)Eng yaqin dorixonadan sotib olish Umumiy tavsif TIBBIY QO‘LLASH BO‘YICHA YO‘RIQNOMA Pankreatin FORTE 8000 Dori vositasining savdo nomi: Pankreatin FORTE 8000 Faol modda (XMN): pankreatin Dori shakli: qobiq bilan qoplangan, ichakda eriydigan tabletkalar Tarkibi: 1 tabletka tarkibida: faol modda: pankreatin 0,24 g, bu quyidagi faollikka mos keladi: 8000 lipolitik Ph. Eur. U., 5800 amilolitik Ph. Eur. U., 380 proteolitik Ph. Eur. U. yordamchi moddalar: mikrokristallik tsellyuloza, krosprovidon, natriy xlorid, kolloid kremniy dioksidi, magniy stearati, metakrilat sopolimer dispersiyasi, talk, polietilenglikol (makrogol), titan dioksidi (E 171), karmoizin (E 122).

Ovqat hazm qilish fermentlarining yetarli ajralmasligi bilan bog‘liq ovqat hazm qilish jarayonining buzilishi bilan kechadigan kasalliklar, masalan, surunkali pankreatit. Oshqozon va ingichka ichakning bir vaqtda rezektsiyasidan keyingi holatlar, ovqatning ichakdan funksional tez o‘tishi, ichak buzilishlari, bir vaqtda hazm bo‘lishi qiyin bo‘lgan o‘simlik, yog‘li va noodatiy ovqatlarni iste’mol qilish. Ichak shishishi. Rentgenologik yoki ultratovush diagnostik tadqiqotlarga tayyorgarlik.

Preparat komponentlariga yuqori sezuvchanlik; o'tkir pankreatit yoki surunkali pankreatitning zo'rayish bosqichida (ammo epizodik zo'rayish, pankreatik bez funksiyasi buzilishi mavjud bo'lsa, ratsion kengaytirilganda so'nuvchi zo'rayish bosqichida mumkin).

Preparat dozası o‘n ikki barmoq ichakda pankreatik fermentlar yetishmovchiligiga bog‘liq va individual tarzda belgilanadi. Agar boshqa tavsiyalar bo‘lmasa, shuningdek hazm bo‘lishi qiyin bo‘lgan o‘simlik ovqatlari, yog‘li yoki noodatiy ovqatlar iste’mol qilinganda 1−2 tabletka qabul qilinadi. Boshqa hollarda ovqat hazm qilish buzilishlari yuzaga kelganda tavsiya etiladigan doza 2−4 tabletkani tashkil etadi. Zarurat tug‘ilganda preparat dozasini oshirish mumkin. Kasallik simptomlarini, masalan, steatoriya yoki qorin og‘rig‘ini kamaytirish maqsadida doza oshirilishi faqat shifokor nazorati ostida amalga oshirilishi kerak. Lipa zaning sutkalik doza si 15000−20000 lipolitik Ph. Eur. U. 1 kg tana vazniga nisbatan oshmasligi kerak. Tabletkalar ovqat vaqtida, butun holda yutiladi va ko‘p miqdorda suyuqlik, masalan, bir stakan suv bilan ichiladi. Davolash davomiyligi kasallik kechishiga bog‘liq va shifokor tomonidan individual tarzda belgilanadi. Bolalar uchun preparat dozasini va davolash davomiyligini shifokor hal qiladi. Preparat ovqat hazm qilishni normallashtirish uchun zarur bo‘lgan sutkalik dozada, lekin 12 yoshgacha bo‘lgan bolalarda 1500 lipolitik Ph. Eur. U. 1 kg tana vazniga nisbatan oshmagan holda buyuriladi. 12 yoshdan 18 yoshgacha bo‘lgan bolalarda fermentlarning sutkalik doza si 15000-20000 lipolitik Ph. Eur. U. lipaza 1 kg tana vazniga nisbatan oshmasligi kerak. Bolalar. 6 yoshdan boshlab bolalarga qo‘llaniladi.

Immun tizimi tomonidan: allergik reaksiyalar, jumladan toshma, qichishish, aksirish, eshakemi, ko‘zdan yosh oqishi, bronxospazm, anafilaktik reaksiyalar. Karmazin tarkibi tufayli allergik reaksiyalar bo‘lishi mumkin. Ovqat hazm qilish tizimi tomonidan: diareya, qorin og‘rig‘i, ko‘ngil aynishi, qusish, najas xarakterining o‘zgarishi; ichak tutilishi rivojlanishi mumkin, qabziyat, qorin shishishi. Har qanday noxush hodisalar paydo bo‘lsa, shifokorga murojaat qilish zarur.

Farmakodinamikasi Ferment preparati. Uning tarkibiga kiruvchi pankreatik fermentlar (lipaza, amilaza va proteaza) yog'lar, uglevodlar, oqsillarni hazm qilishni osonlashtiradi, bu ularning ingichka ichakda to'liq so'rilishiga yordam beradi. Oshqozon osti bezi kasalliklarida preparat uning tashqi sekretsiya yetishmovchiligini qoplaydi va ovqat hazm qilish jarayonini yaxshilashga yordam beradi. Farmakokinetikasi Tabletkalarning kislota bardoshli qobig'i fermentlarni me'da shirasining inaktivatsiyasidan himoya qiladi. Faqat ingichka ichakning neytral yoki zaif ishqoriy muhitida qobiq eriydi va fermentlar ajralib chiqadi. Preparatning maksimal fermentativ faolligi og'iz orqali qabul qilingandan 30−45 daqiqa o'tgach kuzatiladi.

Agar bemorda noodatiy abdominal simptomlar paydo bo‘lsa yoki asosiy kasallik simptomlarining xarakteri o‘zgarsa, ayniqsa bemor 10000 lipolitik Ph. Eur. U./kg/kunga nisbatan yuqori doza qabul qilayotgan bo‘lsa, yo‘g‘on ichak zararlanishi ehtimolini istisno qilish tavsiya etiladi. Preparat faol fermentlarni o‘z ichiga oladi, ular og‘iz bo‘shlig‘i shilliq qavatini shikastlashi, hatto yara hosil bo‘lishigacha olib kelishi mumkin, shuning uchun tabletkalarni butun holda, chaynalmay yutish kerak. Homiladorlik va laktatsiya davrida qo‘llanilishi Homiladorlik yoki emizish davrida preparat shifokor ko‘rsatmasi bo‘yicha, agar onaga kutilayotgan foyda homila yoki bolaga bo‘lgan potensial xavfdan yuqori bo‘lsa, qo‘llaniladi. Avtomobil va murakkab mexanizmlarni boshqarish qobiliyatiga ta’siri Ogohlantirishlar yo‘q.

Boshqa pankreatin preparatlari juda yuqori dozalarda qabul qilinganda giperyurikemiya va giperyurikoziya kuzatilgan. Davolash: simptomatik terapiya.