1 tabletkada quyidagilar mavjud: Faol modda: mebgidrolin 100% modda hisobida 100 mg yoki 50 mg; Yordamchi moddalari: laktosa monogidrat (200), kartoshka kraxmal, past molekulyar tibbiy polivinilpirrolidon, saxaroza, kalsiy stearat.

Mavsumiy va allergik rinit, pollinoz, eshakemi, oziq-ovqat va dori allergiyasi, hasharot chaqishidan keyingi teri reaksiyalari, teri qichishishi bilan kechuvchi dermatozlar (ekzema, neyrodermit) profilaktikasi va davolash.

Preparat tarkibiy qismlariga yuqori sezuvchanlik. Oshqozon va o'n ikki barmoqli ichak yara kasalligi zo'raygan davrda, me'da-ichak trakti yallig'lanish kasalliklari, pilorostenoz.

Kattalar va 3 yoshdan boshlab bolalarga og'iz orqali qo'llaniladi. Kattalar va 12 yoshdan katta bolalarga 100-200 mg dan kuniga 1-2 marta buyuriladi. Eng yuqori bir martalik doza – 300 mg, eng yuqori sutkalik doza – 600 mg. 3 yoshdan 6 yoshgacha bo'lgan bolalarga – 25 mg dan kuniga 1-3 marta, 7 yoshdan 12 yoshgacha – 50 mg dan kuniga 1-3 marta. Davolash davomiyligini shifokor klinik effekt va preparatga toqat qilishiga qarab belgilaydi.

Ovqat hazm qilish tizimi tomonidan: Diazolin® me'da-ichak yo'llari shilliq qavatini tirnash xususiyati keltirib chiqarishi mumkin, bu ba'zan dispeptik hodisalar (qorinda kuyish, ko'ngil aynishi, epigastral sohada og'riq) bilan namoyon bo'ladi. Markaziy asab tizimi tomonidan: bosh aylanishi, paresteziya, tez charchash, uyquchanlik, ko'rishning noaniqligi, reaksiya tezligining sekinlashuvi. Boshqalar: og'iz qurishi, siyish buzilishlari, allergik reaksiyalar. Juda kam hollarda granulositopeniya va agranulositoz paydo bo'lishi mumkin. Bolalarda ba'zan paradoksal reaksiyalar kuzatiladi: qo'zg'aluvchanlikning ortishi, tremor, uyqu buzilishlari.

Mebgidrolin antigistamin preparatlariga kiradi, gistaminning Hl-retseptorlari blokatori hisoblanadi. Mebgidrolin gistaminning bronxlar, ichaklarning silliq mushaklariga spazmogen ta'sirini, shuningdek, uning tomirlar o'tkazuvchanligiga ta'sirini kamaytiradi. Birinchi avlod antigistamin preparatlaridan (dimedrol, suprastin va boshqalar) farqli o'laroq, kamroq ifodalangan sedativ va uyqu keltiruvchi ta'sirga ega. Kam ifodalangan m-xolinobloklovchi va anesteziyalovchi xususiyatlarga ega. Ovqat hazm qilish traktidan tez so'riladi. Biokiraolishligi 40-60% oralig'ida. Terapevtik ta'sir 15-30 daqiqadan so'ng rivojlanadi, maksimal ta'sir 1-2 soatda kuzatiladi. Ta'sir davomiyligi 2 kungacha yetishi mumkin. Preparat deyarli gematoensefalik to'siqdan o'tmaydi, jigarda metillanish yo'li bilan metabolizatsiyalanadi, jigar fermentlarini induktsiyalaydi, buyraklar orqali organizmdan chiqariladi.

Diazolin® uyqu keltiruvchi, sedativ va markaziy asab tizimini susaytiruvchi boshqa preparatlar, shuningdek, spirtli ichimliklar ta'sirini kuchaytiradi.

Diazolin® og'ir jigar va/yoki buyrak yetishmovchiligida ehtiyotkorlik bilan buyuriladi. Preparatni yopiq burchakli glaukoma, epilepsiya, yurak ritmi buzilishlari, prostata bezi gipertrofiyasida buyurish tavsiya etilmaydi. Diazolin® bilan davolanish vaqtida alkogolli ichimliklar iste'mol qilish tavsiya etilmaydi. Homiladorlik va emizish davrida qo'llanilishi. Homiladorlik va emizish davrida preparatni faqat shifokor fikriga ko'ra, onaga kutilayotgan foyda homila/bolaga mumkin bo'lgan xavfdan ustun bo'lsa, qo'llash mumkin. Bolalar. Preparat 3 yoshdan katta bolalarga qo'llaniladi. Avtotransport boshqarish yoki boshqa mexanizmlar bilan ishlashda reaksiya tezligiga ta'sir qilish qobiliyati. Preparatni qo'llashda avtotransport boshqarish va diqqatni jamlashni talab qiluvchi boshqa potensial xavfli faoliyat turlari bilan shug'ullanish tavsiya etilmaydi. Preparatni yaroqlilik muddati tugaganidan keyin qo'llash mumkin emas va uni bolalar uchun yetib bo'lmaydigan joyda saqlash lozim.

Preparatning dozasi oshirilganda, mos bo'limda tavsiflangan nojo'ya ta'sirlar xavfi ortadi. Bunday holda preparat bilan davolash to'xtatiladi, simptomatik terapiya o'tkaziladi, zarur bo'lsa umumiy detoksikatsiya choralari (oshqozonni yuvish, majburiy diurez) amalga oshiriladi.