Gialuron kislotasi (natriy gialuronat shaklida) 4.028 mg natriy xlorid 8.358 mg natriy digidrofosfat digidrat 0.705 mg dinatriy fosfat suvdan holi 1.108 mg Yordamchi moddalar: tozalangan suv - 1 ml gacha. Konservantlar saqlamaydi.

Quruq, charchagan va/yoki zo‘riqqan ko‘zlarni namlash uchun qo‘llaniladi: quruq ko‘z sindromida (qurish, «ko‘zda qum» hissi, achishish simptomlari bilan kechuvchi buzilish), yoshga oid/gormonal o‘zgarishlarda (menopauza), atrof-muhit ifloslanishi, dori vositalari qabul qilish, kompyuterdan foydalanish, konditsioner havo, shuningdek, kontakt linzalar taqishda. «Optinol» 0,4 %, «quruq ko‘z» sindromida tomchilar ko‘zda kuchli achishishni yumshatish uchun mo‘ljallangan.

Tibbiy mahsulot tarkibiy qismlariga yuqori sezuvchanlik.

Tomchilarni zaruratga ko‘ra kun davomida bir necha marta ishlatish mumkin. Ko‘zga 1–2 tomchi tomizib, eritma ko‘z yuzasiga bir tekisda taqsimlanishi uchun bir necha marta ko‘z qimirlatiladi. «Optinol» tomchilari konservantlar saqlamaganligi va qo‘llash uchun xavfli emasligi sababli, ularni cheklanmagan muddat davomida ishlatish mumkin. Flakondan himoya qopqog‘ini olib tashlang. Flakon tomizgichining ochiq uchiga tegmaslikka harakat qiling. Ko‘rsatkich va o‘rta barmoqlarni flakonning pastki qismiga, bosh barmoqni esa flakonning yuqori qismidagi dumaloq plastinaga qo‘ying. Flakondan birinchi marta foydalanishdan oldin uni uchini pastga qaratib aylantiring va birinchi tomchi chiqquncha bosh barmoq bilan bosim plastinasini 2-3 marta bosing. Flakon uchini kesmang. Boshni orqaga egib, ko‘rsatkich barmoq bilan pastki qovoqni ehtiyotkorlik bilan pastga torting, yuqoriga qarang. Imkon qadar flakonni vertikal tuting. Flakon uchining barmoqlarga, ko‘z yuzasiga yoki linzalarga tegishidan saqlaning. Vosita tomizish uchun flakonga bir marta bosing. Flakon jihozlangan patentlangan mexanizm tufayli, har bir bosishda tomizgichdan aynan bir tomchi ajralib chiqadi. Eritma ko‘z bo‘ylab bir tekisda taqsimlanishi uchun ko‘zni sekin yuming. Ikkinchi ko‘z uchun ham shu tartibni takrorlang. Har bir foydalanishdan so‘ng flakon tomizgichining uchini quriting va uni himoya qopqog‘i bilan yoping.

Allergik reaksiyalar, ko‘z qovoqlari yopishib qolishining yoqimsiz hissi (eritmaning yuqori yopishqoqligi sababli).

Ko‘z qurishi – kattalar aholisining taxminan 10 – 20 % da tez-tez uchraydigan holat. Sun’iy ko‘z yoshi ko‘z qurishining yengil va o‘rtacha darajasida simptomlarning og‘irligini samarali kamaytiradi, ko‘z yoshi hajmini to‘ldirish orqali. Natriy gialuronat sun’iy ko‘z yoshi tarkibida uning yopishqoqlik va elastiklikka oid reologik xususiyatlari tufayli qo‘llaniladi. Sun’iy ko‘z yoshi tabiiy ko‘z yoshi yetarli ajralmaganida yoki ko‘z yoshi suyuqligi tarkibi o‘zgarganida, ko‘zni himoya qilish, namlash va yog‘lash uchun, ko‘zda achishish hissini yumshatish maqsadida tabiiy ko‘z yoshiga o‘rinbosar sifatida xizmat qiladi.